_Mari_Tong_Bersatu

                                              Sumber foto: copas Facebook

Mari_Tong_Bersatu

Di tanah yang sa pijak..

Banyak mata lihat kepasifik...

para pakar dong beradu bijak...

Tong yang pu alam tra diajak...

Dong selalu sibuk beradu jaya...

Tentang torang pu sumber daya...

Torang sendiri miskin dan teraniaya...

Dong bilang ke dunia kalo torang bahagia...

Dong lupa tentang genosida manusia...

Dong bikin torang pu usaha sia-sia...

Ibarat tong baru nafas lalu tutup usia

Dong trakan tanya berapa yang dibantai...

Trakan tanya lagi berapa jumlah bangkai...

Dorang mau tong jadi budak siap pakai...

Dari Pante sampe ke gunung...

Dari gunung sampe ke lembah...

Torang su cape kubur tulang...

Tong su banyak mati, trus dibilang musibah...

Tong trausa santai...

Mari, tong bergandeng bagai rantai...

Maju pantang mundur ramai-ramai...

Tong su tau arah...

Tong su tau musuh...

Mari melangkah...

Sampai disini saja... 

Sudah cukup kata....

Kasih kibar itu bendera...

Benderah tanda perlawanan...

Gubuk Tua 

Jogja, 09 Feb 2024

Categories: Puisi_News Gubuk Tua